Football

യുവേഫ നാഷന്‍സ് ലീഗ്: സ്വിറ്റ്‌സര്‍ലാന്റ്, ഇംഗ്ലണ്ട്, പോര്‍ച്ചുഗല്‍ സെമിയില്‍

ലണ്ടന്‍: ലോകകപ്പിലെ തോല്‍വിക്ക് ക്രൊയേഷ്യയോട് സ്വന്തം മണ്ണില്‍ പകരം ചോദിച്ച് ഇംഗ്ലണ്ടും ഇറ്റലിയെ അവരുടെ തട്ടകത്തില്‍ സമനിലയില്‍ തളച്ച് പോര്‍ച്ചുഗലും യുവേഫ നേഷന്‍സ് ലീഗ് സെമിഫൈനലില്‍. ഗ്രൂപ്പ് നാലില്‍ മത്സരം തുടങ്ങുംമുമ്പ് അവസാന സ്ഥാനക്കാരായിരുന്ന ഇംഗ്ലണ്ട് ഒരു ഗോളിനു പിന്നില്‍നിന്ന ശേഷമാണ് അവസാന കാല്‍ മണിക്കൂറില്‍ രണ്ട് ഗോളടിച്ച് ജയം പിടിച്ചെടുത്തത്. ഗ്രൂപ്പ് മൂന്നില്‍ മുന്നേറണമെങ്കില്‍ സ്വന്തം തട്ടകത്തില്‍ ജയം അനിവാര്യമായിരുന്ന ഇറ്റലിക്ക് കരുത്തരായ പോര്‍ച്ചുഗലിനെതിരെ ഗോളടിക്കാനായില്ല. ഗ്രൂപ്പ് ഒന്നിലെ നിര്‍ണായക മത്സരത്തില്‍ ഇന്ന് ജര്‍മനിയെ അവരുടെ തട്ടകത്തില്‍ നേരിടുന്ന നെതര്‍ലാന്റ്‌സിന് സെമിയിലെത്തണമെങ്കില്‍ ജയിച്ചേ തീരൂ.