beta
മിക്കിയെ ഓർക്കുമ്പോൾ ആരുടെയും മനസ്സിൽ തെളിഞ്ഞു വരുന്ന മറ്റൊരു നാമമാണ് വാൾട്ട് ഡിസ്നി. മിക്കിയുടെ പിതാവായി ലോകം അംഗീകരിച്ചിരിക്കുന്നതും മിക്കിയുടെ കൂടെ എന്നും ഉയർന്നു കേൾക്കുന്നതും ഡിസ്‌നിയെ പറ്റി മാത്രമാണ്.
ഇന്ത്യയുടെ ആദ്യ ആണവ പരീക്ഷണം പൊഖ്‌റാൻ-1 സ്മൈലിങ് ബുദ്ധ: അറിയേണ്ട 9 വസ്തുതകൾ Facts about India's first nuclear test Pokhran-1 Smiling Buddha
മുൻ ബ്രിട്ടീഷ് പ്രധാനമന്ത്രി വിൻസ്റ്റൺ ചർച്ചിലിന്റെ ഭരണത്തെ കുറിച്ചുള്ള സിനിമ അണിയറയിൽ ഒരുങ്ങുന്നു. ബ്രിട്ടൻ കണ്ട എക്കാലത്തെയും മികച്ച നേതാവാണ് ചർച്ചിൽ. Famous quotes of British Prime Minister Winston Churchill
മണിയുടെ പ്രസ്താവനയെ ചൊല്ലിയുള്ള വിവാദത്തില്‍ മണിയുടെ അത്ര പോലും വിദ്യാഭ്യാസമില്ലാതിരുന്ന പൊന്നാനിയിലെ സുല്‍ത്താന്‍ എന്നു വിശേഷിപ്പിച്ച ഇമ്പിച്ചി ബാവയെ സി.പി.എം പഠിക്കുന്നതും ഓര്‍ക്കുന്നതും നന്നായിരിക്കും.
സാധാരണ ഗതിയില്‍ ആരോഗ്യവാന്മാരെന്ന് കരുതപ്പെടുന്ന ആളുകളിലും സംഭവിക്കാം എന്നതാണ് മൂത്രക്കല്ലിന്റെ പ്രത്യേകത. മറ്റെല്ലാ ജീവിതശൈലീ രോഗങ്ങളെയും പോലെ കഴിഞ്ഞ മൂന്നുപതിറ്റാണ്ടിനുള്ളില്‍ മൂത്രക്കല്ല് ബാധിതരുടെ എണ്ണം അതിദ്രുത ഗതിയിലാണ് വര്‍ധിക്കുന്നത്. പുരുഷന്മാരിലാണ് വ്യാപകമായി കാണപ്പെടുന്നതെങ്കിലും പകുതി സാധ്യത സ്ത്രീകള്‍ക്കുമുണ്ട്.
പുതിയ മോട്ടോര്‍ വാഹന വകുപ്പ് നിയമം താത്കാലികമായി പിന്‍വലിച്ചെങ്കിലും നിയമം ലംഘിച്ച് വാഹനമോടിക്കുന്നവര്‍ ഏറെ കുറഞ്ഞതായി കണക്കുകള്‍. ഇവരില്‍ നിന്ന് ഈടാക്കിയിരുന്ന പിഴ തുകയിലും പത്തുലക്ഷത്തോളം രൂപയുടെ കുറവാണ് സെപ്തംബറില്‍ രേഖപ്പെടുത്തിയിട്ടുള്ളത്.
ഓഗസ്റ്റില്‍ 2203950 രൂപയാണ് തൃശൂര്‍ ജില്ലയില്‍ അഞ്ച് ആര്‍ ടി ഒ എന്‍ഫോഴ്സ്മെന്റ് സ്‌ക്വാഡുകള്‍ ജില്ലയിലെ വിവിധ സ്ഥലങ്ങളില്‍ നിന്ന് പിടിച്ചെടുത്തത്. ടാക്സ് ഇനത്തില്‍ 180000 രൂപയും ആര്‍ടി ഓഫീസിനു ലഭിച്ചു. എന്നാല്‍ സെപ്തംബറില്‍ പിടിച്ചെടുത്ത തുക വെറും 816850 രൂപ മാത്രമാണ്. ടാക്സ് ഇനത്തില്‍ ലഭിച്ചത് 28800 രൂപ മാത്രം. ജില്ലയില്‍ സെപ്തംബര്‍ മാസത്തെ കണക്കെടുപ്പില്‍ നിയമം തെറ്റിച്ച് വാഹനമോടിച്ച വെറും 534 കേസുകള്‍ മാത്രമാണ് ഉണ്ടായിട്ടുള്ളത്. ഓഗസ്റ്റില്‍ ഇത്തരത്തില്‍ 2502 കേസുകളാണ് ജില്ലയില്‍ ഉണ്ടായത്.
ഹെല്‍മറ്റ് ധരിക്കാതെ മോട്ടാര്‍ സൈക്കിള്‍ ഓടിക്കല്‍, വാഹനമോടിക്കുമ്പോള്‍ മൊബൈല്‍ ഫോണ്‍ ഉപയോഗിക്കല്‍, സീറ്റ് ബെല്‍റ്റ് ധരിക്കാതിരിക്കല്‍, വാഹനങ്ങളില്‍ ഹെഡ് ലൈറ്റ് സ്ഥാപിക്കാതിരിക്കല്‍, അമിതവേഗത, ഇന്‍ഷൂറന്‍സ് അടയ്ക്കാതിരിക്കല്‍, സമയക്രമം തെറ്റിച്ച് വാഹനമോടിക്കല്‍ എന്നിങ്ങനെ മുപ്പത്തഞ്ചോളം ഇനത്തിലുള്ള കുറ്റകൃത്യങ്ങളാണ് ആര്‍ടിഒ എന്‍ഫോഴ്സ്മെന്റ് പരിശോധിച്ചത്.
സെപ്തംബര്‍ ഒന്നുമുതല്‍ മോട്ടോര്‍ വാഹന നിയമങ്ങള്‍ പാലിച്ചില്ലെങ്കില്‍ കനത്ത പിഴ ഈടാക്കുമെന്ന ഉത്തരവ് ആദ്യ ദിനങ്ങളില്‍ നടപ്പിലാക്കിയതോടെയാണ് വാഹനം ഉപയോഗിക്കുന്നവര്‍ നിയമം പാലിക്കാന്‍ ശ്രദ്ധിച്ചത്. ഓഗസ്റ്റില്‍ ഹെല്‍മറ്റ് ധരിക്കാതെ വാഹനമോടിച്ച കേസുകള്‍ 604 ആയിരുന്നെങ്കില്‍ സെപ്തംബറില്‍ അത് 83 ആയി ചുരുങ്ങി. സീറ്റ് ബെല്‍റ്റ് ധരിക്കാതെ വാഹനമോടിച്ച 374 കേസുകളാണ് ഓഗസ്റ്റില്‍ ഉണ്ടായത്. എന്നാല്‍ സെപ്തംബറില്‍ ഇത് 21 കേസുകള്‍ മാത്രമായി. ഓഗസ്റ്റില്‍ ടാക്സ് അടക്കാത്ത 196 കേസുകള്‍ ഉണ്ടായെങ്കില്‍ സെപ്തംബറില്‍ അത് 72 ആയി ചുരുങ്ങി.
